«Միլան»-ի փոխնախագահ Ադրիանո Գալիանին հաստատել է, որ ակումբի ֆուտբոլիստներին աշխատավարձի նվազեցում է սպասվում այն դեպքում, եթե թիմը չնվաճի Չեմպիոնների Լիգայի գավաթի խաղարկության առաջիկա մրցաշրջանի ուղեգիր: Նշենք, որ առաջնության ավարտին մնացած 9 խաղերից առաջ «ռոսսոներիներ»-ը երրորդ տեղից հետ են մնում 22 միավորով:
«Կական ասել է, որ մրցաշրջանի ավարտից հետո կմոտենա ինձ, որպեսզի քննարկի աշխատավարձի կրճատման հա՞րցը: Ավելացնելու ոչինչ չունեմ:
Գրեթե բոլոր ֆուտբոլիստները պայմանագիր են ստորագրել, որով նախատեսված աշխատավարձի 80%-ը հիմնական մասն է, իսկ 20%-ը կապված է Չեմպիոնների Լիգայի ուղեգիր նվաճելու հարցի հետ: Այնպես որ, այս թեման անգամ քննարկման ենթակա չէ»,- ասել է Գալիանին:
|