Իտալացի լեգենդար ֆուտբոլիստ Ֆիլիպո Ինձագին վստահ է, որ տարբեր պաշտոնական մրցաշարերի եզրափակիչում գոլերի քանակով նրա ռեկորդն անհասանելի կմնա:
Ընդհանուր առմամբ, իտալացին «Միլանի» ու «Յուվենտուսի» կազմում եզրափակիչ խաղերում դարձել է 8 գոլի հեղինակ:
-Աթենքում կայացած եզրափակիչում Անչելոտին երկմտում էր՝ հիմնական կազմում ինձ ընդգրկել, թե Ալբերտո Ջիլարդինոյին: Արդյունքում ես դարձա երկու գոլի հեղինակ: Սուպերգավաթում գրավեցի «Սևիլիայի» դարպասը, իսկ հետո՝ «Բոկա Խունիորսի» հետ խաղում դուբլ ձևակերպեցի: Այդպիսի արդյունքն անհասանելի է անգամ Մեսսիի ու Ռոնալդուի համար, - Ինձագիի խոսքերն է մեջբերել «La Gazzetta dello Sport»-ը:
2011 թվականին Մեսսին երեք եզրափակիչների ընթացքում դարձել է 4 գոլի հեղինակ, իսկ 2008 թվականին Ռոնալդուն նույնքան հանդիպումներում դարձել էր 1 գոլի հեղինակ:
Ներկայումս Ինձագին մարզում է «Միլանի» երիտասարդական թիմերից մեկին և հույս ունի մինչև ֆուտբոլային կարիերայի ավարտը մնալ այդ ակումբում:
|