«Միլանի» փոխնախագահ Ադրիանո Գալիանին հաստատել է իտալական մամուլում շրջանառվող այն լուրերը, որոնց համաձայն' շուտով հրաժարական է տալու:
«Չեմպիոնների լիգայի խմբային փուլի վերջին տուրի «Այաքսի» դեմ խաղից հետո հրաժարական կտամ: Սերնդափոխությունը հիանալի է, բայց ոչ այս կերպ: Կարելի էր ավելի գեղեցիկ վարվել»,-Գալիանիի խոսքերը մեջբերել է Sky Sport Italia-ն:
Ադրիանիո Գալիանիի հավանական փոխարինողների թվում են «Միլանի» նախկին ֆուտբոլիստ Պաոլո Մալդինին, Իտալիայի ֆուտբոլի ֆեդերացիայի փոխնախագահ Դեմետրիո Ալբերտինին:
Նշենք, որ Գալիանին զբաղեցրել է «Միլանի» փոխնախագահի պաշտոնը 1986 թվականից: Այս տարիների ընթացքում ակումբի նվաճած տիտղոսներին կարող եք ծանոթանալ' սեղմելով նկարի վրա:
|