«Միլանի» ղեկավորության ներկայացուցիչ Ադրիանո Գալիանին հայտնել է, որ վերջին ամսվա ընթացքում ակումբը Ճապոնիայում ավելի շատ մարզաշապիկ է վաճառել, քան ողջ նախորդ տարվա ընթացքում: Դա կապված է ճանոպացի կիսապաշտպան Կեյսուկե Հոնդայի տեղափոխության հետ, որը մինչ այս հանդես էր գալիս ԲԿՄԱ-ում: «Վերջին ամսվա ընթացքում Ճապոնիայում ավելի շատ մարզաշապիկ ենք վաճառել, քան նախորդ ամսվա ընթացքում: Հոնդան այնտեղ աստղ է. այսօր նրա շնորհանդեսին ներկա էր 80 լրագրող, մի քանի հեռուստաբրիգադա: Միևնույն ժամանակ նշեմ, որ մենք ձեռք ենք բերել ֆուտբոլիստ և ոչ թե սրբապատկեր: Եթե դրա հետ միասին մեզ մոտ որոշ տնտեսական առավելություններ են հայտնվել, ապա թող այդպես լինի»,- ասել է Գալիանին իտալական լրատվամիջոցների հետ զրույցում:
|